AMBAR é un actor relevante na comunidade da Barbanza e non permanece á marxe dos cambios da sociedade e, por iso, se estima necesario elaborar un Plan Estratéxico que estableza os rumbos de futuro por onde guiar a nosa actuación colectiva durante os próximos anos e sexa o instrumento que nos permita afrontar os cambios organizativos e os acordos internos necesarios para garantir a competencia da Asociación AMBAR en tal escenario. Propoñémonos un programa de actuación que procura orientar aberta e organizadamente as actividades da asociación, coa perspectiva de 2010, de acordo coas propias capacidades e coas demandas percibidas, no marco suposto. Para iso prodúcese o actual documento de consenso, onde se concretan as liñas mestras que orientarán a marcha da Asociación cara as metas establecidas, que requirirán grandes esforzos de adaptación e coordinación interna. A iniciativa de Obra Social de Caixa Galicia, facilitando a AMBAR a posibilidade de realizar o Plan Estratéxico coa asistencia de INTRESS, e que aquí se plasma, non nos pon a salvo das eventualidades, pero apórtanos vantaxes indubidables, pois vigorizará a articulación entre os órganos de decisión e as unidades operativas de AMBAR, aliñará a toda a asociación e axudaranos a identificar con maior claridade os problemas e as oportunidades no noso entorno. O Plan Estratéxico de AMBAR non é un programa de goberno que restrinxa a capacidade de decisión da Asemblea Xeral, da Xunta Directiva ou das unidades operativas da entidade, se non que debe ser considerado por todos nós como unha ferramenta para a toma de decisións, que busca dar coherencia e sentido progresivo ás nosas opcións de futuro, posibilitando a adaptación dentro dun proceso ordenado para o período determinado no plan.
OBXECTIVOS DO PLAN ESTRATÉXICO
O Plan Estratéxico fixase os seguintes obxectivos: · Definir as aspiracións e prantexamentos de futuro de AMBAR. · Actuar para dispor o alineamento interno. · Facilitar o proceso de reorganización e de estructuración interna. · Posicionar adecuadamente a AMBAR con propósito de impulsar o avance do modelo social da diversidade funcional. · Promover unha imaxe coherente e moderna da asociación. · Proxectar a intervención colectiva das PERSOAS CON DIVERSIDADE FUNCIONAL para impulsar cambios na comunidade. Neste Plan Estratéxico determínase a misión da asociación e expóñense as liñas estratéxicas a asumir no período 2007-2010, orientando as iniciativas a desenvolver, así como o modelo organizativo e de xestión que contemplará a realización das accións necesarias para desenvolver a misión acordada. Servicios DE AMBAR ** Os servicios que PROMOVA AMBAR deben ser - DE CALIDADE - INCLUSIVOS - PROMOVEN O EMPODERAMENTO ** Para isto fomentarase: - A IDENTIFICACIÓN - DA XENTE DA ASOCIACIÓN - DA COMUNIDADE DO BARBANZA [coa misión de AMBAR] ** Por iso é preciso: - DESENVOLVER A CAPACIDADE DE FINANCIAMENTO - ESTABLE E AUMENTADA [para o funcionamento eficaz de AMBAR] LIÑAS DE TARABALLO DE AMBAR. O despregamento da cultura identificativa de AMBAR e o cumprimento da Misión explicitada da asociación, esixiranos centrar a actividade da asociación en torno a unhas prioridades estratéxicas que ordenen a actuación de AMBAR, que se configuran en tres liñas de traballo que fixaremos como Liñas Estratéxicas. Liña nº 1. "OS SERVICIOS QUE PROMOVA AMBAR DEBEN SER DE CALIDADE, INCLUSIVOS E DESENVOLVERÁN O EMPODERAMENTO DAS PERSOAS CON DIVERSIDADE FUNCIONAL". Liña nº 2. "CONSTRUÍR A IDENTIFICACIÓN DA XENTE DA ASOCIACIÓN E DA COMUNIDADE D A BARBANZA COA MISIÓN DE AMBAR". Liña nº 3. "DESENVOLVER A CAPACIDADE DE FINANCIAMENTO ESTABLE E AUMENTADA PARA O FUNCIONAMENTO EFICAZ DE AMBAR".
PLANS DE ACCIÓN.
Os plans de acción son elaborados para dar cumplimento aos obxectivos estratéxicos e deben ser implantados. O proceso de implantación cubre toda a gama de actividades da asociación, desde as directivas ás de intervención social. Os plans de acción previstos para dar cumprimento ós obxectivos expresados son os seguintes: 1. Plan de accións comunitarias e de autoaxuda. 2. Plan de atención de necesidades e satisfacción individual. 3. Plan de comunicación interno e externo. 4. Plan de mellora do persoal interno. 5. Plan de mellora administrativa. 6. Plan de sostibilidade financeira. 7. Plan de voluntariado |
